16 насанд хүрээгүй хүүхдийн хөгжлийн бэрхшээлтэй эсэхийг аймаг, дүүргийн эрүүл мэндийн байгууллагын мэргэжлийн эмч нарын хяналтын комисс тогтооно.

Аймаг сумаас нийслэлд ирж суралцах хүүхэд болон асран хамгаалагчийн унааны зардлыг хэрхэн олгох вэ?

            Хөгжлийн бэрхшээлтэй хүүхэд болон түүний асран хамгаалагч, харгалзан дэмжигч нэг хүний хамт тусгай сургуульд суралцахаар ирж, очих унааны зардалд жилд нэг удаа хөнгөлөлт үзүүлнэ.

Сумаас аймгийн төв, аймгийн төвөөс нийслэлд намар ирэх, хавар буцах замын зардлыг /хот хоорондын нийтийн тээврийн үйлчилгээний тарифаар/ харьяа аймгийн нийгмийн халамж үйлчилгээний байгууллага банкны байгууллагаар дамжуулан олгоно.

Нийслэл болон хот суурин газарт тусгай сургуульд рж, очих хүүхэд болон асран хамгаалагчийн унааны зардлыг хэрхэн олгох вэ?

            Нийслэлд болон хот суурин газарт нийтийн тээврийн хэрэгслээр хөгжлийн бэрхшээлтэй хүүхдийг тусгай сургуульд нь хүргэж өгч, авдаг асран хамгаалагч, харгалзан дэмжигч нэг хүнд унааны зардлын хөнгөлөлтийг жилд нэг удаа харьяа аймаг, дүүргийн нийгмийн халамж үйлчилгээний байгууллага банкаар дамжуулан олгоно.

Тусгай сургуульд ирж, очих унааны зардлын хөнгөлөлтөд хамрагдахад ямар баримт бичиг бүрдүүлэх вэ?

1. Өргөдөл, сум, хорооны Засаг даргын тодорхойлолт;
2. Төрсний гэрчилгээ /16 насанд хүрсэн бол иргэний үнэмлэх/ хуулбарын хамт;
3. Асран хамгаалагч, харгалзан дэмжигчийн иргэний үнэмлэх, хуулбарын хамт;
4. Аймаг дүүргийн эмнэлгийн нарийн мэргэжлийн эмч нарын хяналтын комиссын шийдвэр;
5. Хөдөө орон нутгаас ирсэн бол тухайн орон нутгийн тарифт үнээр тооцож замын зардал төлсөн тухай баримт эсхүл нэхэмжлэл;
6. Сургуулийн тодорхойлолт зэрэг болно.

Цэцэрлэгийн хоолны төлбөрийн хөнгөлөлтөд хамрагдах, хөнгөлөлтийн хэмжээ, бүрдүүлэх баримт бичиг

Хөгжлийн бэрхшээлтэй хүүхэд болон хөдөлмөрийн чадвараа бүрэн алдсан иргэний нэг хүүхэд хамрагдана.

Дараах баримт бичгийг бүрдүүлнэ.

1. Өргөдөл, сум, хорооны Засаг даргын тодорхойлолт;
2. 16 насанд хүрээгүй хүүхдийн хөгжлийн бэрхшээлийг эрүүл мэндийн байгууллагын мэргэжлийн эмч нарын хяналтын комисс 16 насанд хүрсэн иргэний хөдөлмөрийн чадвар алдалтын хувь хэмжээг эмнэлэг хөдөлмөрийн магадлах комиссын шийдвэр;
3. Хүүхдийн төрсний гэрчилгээ, хуулбарын хамт;
4. Хүүхэд нь хүмүүждэг цэцэрлэгийн тодорхойлолт зэрэг болно.

Рашаан сувилалын хөнгөлөлтөд хамрагдах, бүрдүүлэх баримт бичиг

Эмчилгээ, сувилгаа шаардлагатай хөгжлийн бэрхшээлтэй хүүхэд дотоодын рашаан сувилалд сувилуулбал тээврийн хэрэгслийн нэг талын унааны зардал, эрхийн бичгийн үнийн 50 хувийг жилд нэг удаа нөхөн олгоно.

Дараах баримт бичгийг бүрдүүлнэ:

1. Өргөдөл, сум, хорооны Засаг даргын тодорхойлолт;
2. Төрсний гэрчилгээ /16 нас хүрсэн бол иргэний үнэмлэх/ хуулбарын хамт;
3. Эмчилгээ, сувилгаа шаардлагатай тухай эмнэлгийн байгууллагын дүгнэлт /аймаг, дүүрэгт мэргэжлийн эмч нарын хяналтын комиссын шийдвэр, суманд ерөнхий эмчийн шийдвэр/;
4. Тухайн орон нутгийн тарифт үнээр тооцож замын зардал төлсөн тухай баримт эсхүл нэхэмжлэл;
5. Рашаан сувилалд сувилуулсан эрхийн бичгийн үнэ төлсөн тухай санхүүгийн баримт эсхүл нэхэмжлэл байна.

Хүүхдийн зуслангийн эрхийн бичгийн үнийн хөнгөлөлтөд хамрагдахад ямар баримт бичиг бүрдүүлэх вэ?

Хөгжлийн бэрхшээлтэй хүүхэд нь хүүхдийн зусланд амарвал эрхийн бичгийн үнийн 50 хувийг жилд нэг удаа нөхөн олгоно.

Дараах баримт бичгийг бүрдүүлнэ:

1. Өргөдөл, сум, хорооны Засаг даргын тодорхойлолт
2. Хүүхдийн төрсний гэрчилгээ, хуулбарын хамт;
3. Аймаг, дүүргийн мэргэжлийн эмнэлгийн эмч нарын хяналтын комиссын шийдвэр;
4. Эрхийн бичгийн үнэ төлсөн тухай санхүүгийн баримт эсхүл нэхэмжлэл.

Хөгжлийн бэрхшээлтэй хүүхдэд олгох тусламж, хөнгөлөлтөд хамрагдахад бүрдүүлсэн материалаа хаана өгч хэрхэн тусламж авах вэ?

Оршин суугаа сум, хорооны нийгмийн ажилтанд өргөдөл, холбогдох материалаа өгнө. Аймаг, дүүргийн хөдөлмөр халамжийн үйлчилгээний хэлтсээс материалыг хянан хүсэлт гаргасан иргэнд хөнгөлөлт, тусламжийг банкаар дамжуулан өгнө.

Халамжийн цэцэрлэгийн хоолны төлбөрийг сургуулийн өмнөх байгууллагад нь аймаг, дүүргийн хөдөлмөр, халамжийн үйлчилгээний хэлтсээс сар бүр дансаар шилжүүлнэ.

Ашигласан материал: Хууль зүйн үндэсний хүрээлэн, Дэлхийн банкны “Хууль зүйн салбарын үйлчилгээг сайжруулах” төсөл “Хөгжлийн бэрхшээлтэй хүүхдэд нийгмийн халамжийн сангаас олгох тусламж, хөнгөлтийн тухай”, УБ., 2013 он