Орос нь Украинд ч, Сирид ч “сайн зүйл авчрахгүй” гэж АНУ-ын Төрийн нарийн бичгийн дарга Майк Помпео NBC телевизэд ярилцлага өгөхдөө мэдэгджээ. Сэтгүүлчийн тавьсан асуултад тэрбээр энэ бол “жинхэнэ үнэн” гэж хариулсан байна.
“Энэ бол шударга үнэн. Терроризмтэй тэмцэх асуудлаар би Оросуудтай нягт хамтран ажилладаг, бидэнд нийтлэг эрх ашиг бий. Гэхдээ л энэ асуудал /Украин, Сири/ бол үнэхээр эмгэнэлтэй хэрэг. Дэлхий дээр бидний сонирхол нийлдэг янз бүрийн олон газар орон бий, гэвч энэ асуудлаар бол Орос биднээс үнэхээр ялгаатай байгаа. Тэд Украинд ч, Сирид ч ашигтай биш” гэж Помпео хэлжээ.
Төрийн нарийн бичгийн дарга бас Хятадад оросын зэвсэг худалдан авахад нь бас хориг тавьснаа сануулсан байна. Дипломатын хэлснээр бол Орост шахалт үзүүлэхийн тулд энэ арга хэмжээг авчээ.
АНУ-ын ерөнхийлөгч Дональд Трампын шийдвэрээр Хятадаас Гуанжоуд оруулах барааны татварыг 24 хувь нэмэгдүүлсэн байна. Америкийн эсрэг үйл ажиллагаанд хориг тавих тухай” хуулийн дагуу энэ долоо хоногт бид Хятадын эсрэг хориг тавьсан” гэж Помпео төгсгөлд нь хэлжээ.
2014 оны хоёрдугаар сард Украинд төрийн эргэлт гарсны дараагаар өөрсдийнхөө тусгаар тогтнолыг зарласан Домбассын бүгд найрамдах улс, Луганскийн бүгд найрамдах улсын эсрэг Украины эрх баригчид 2014 оны дөрөвдүгээр сараас эхлэн цэргийн ажиллагаа эхлүүлсэн юм. НҮБ-ын хамгийн сүүлийн мэдээгээр 10 мянга гаруй хүн энэ мөргөлдөөний золиос болж амь алдсан гэж байна. Энэ мөргөлдөөнд Москва оролцож байгаа гэж Киев удаа дараа мэдэгдэж байгаа боловч Орос үүнийг үнэн байдлаас зөрж байна гэж байнга няцааж байгаа юм.
Украин улс төр эдийн засгийн хямралаа даван туулахын тулд дотоодод нь өрнөж байгаа зөрчилдөөн нь бидний ашиг сонирхолд хамаагүй гэж Москва нэг бус удаа мэдэгдэж байсан юм.