Итгэхэд бэрх боловч Европ, Америкт ОХУ-ын ерөнхийлөгч Владимир Путиныг үнэлдэг хүмүүсийн тоо олширч байгаа аж. Асуулт хариултын алдарт "Quora" сайт дээр "Оросын ерөнхийлөгчийн талаар та ямар бодолтой явдаг вэ?" гэсэн асуултууд сүүлийн үед нэлээдгүй олон харагдах болсон байна. Европчууд, Америкчуудын түлхүү хэрэглэдэг тус сайтын хэрэглэгчдийн үзэл бодлыг ерөнхийлөн харвал Путины талаар ихээхэн ам сайтай байгаа бөгөөд улсынхаа эдийн засгийг өөд нь татаж, гэрэл гэгээтэй ирээдүйг бий болгож байгаа хэмээн боддог гэжээ. Ингээд тэр асуултанд ирсэн хариултуудаас зарим нэгийг нь онцлон хүргэж байна.
1 Энгийн алдаа - энгийн асуудал
“Анх ажлаа эхлэхэд түүнд шийдвэрлэх олон асуудал, давах олон бэрхшээл байсан. Тиймээс бид түүний хийсэн бүхнийг үнэлэх хэрэгтэй”
Ола Сьёберг (Швед)Швед бол Оросын эсрэг байр суурьтай байдаг орнуудын нэг. Гэхдээ Орос болоод Путин хоёрт сайнаар ханддаг Шведүүд бас байдаг ажээ. Өрнө ба дорны хоорондох хүйтэн харилцааны гол шалтгаан нь ердөө л нэг нэгнээ ойлгохыг хүсэхгүй байгаад оршдог гэж тус сайтын нэгэн Швед гишүүн үзсэн байна.
2 Ард иргэдээ гэдэггүй хүн тэдний эсрэг л явна
“Путин сүүлийн үед Европт хэтэрхий их анхаарлаа хандуулж байгаа нь буруу. Гэмт хэрэг, авлига, эдийн засгийн хүнд байдал гэх мэт зүйл өөрийнх нь улсад нүүрлээд байгаа шүү дээ...”
Ричард Рой (Их Британи)Британи эрийн хэлснээр сүүлийн жилүүдэд Оросууд гадаадад үл хөдлөх хөрөнгө худалдаж аваад тэндээ суурьших жишиг тогтоод байгаа аж. Гэхдээ тэд бол жирийн Оросууд биш, том баячууд. Зөвхөн төрийн томчуудад үнэнч зүтгэсэн хүмүүс л ийм боломжийг эдэлж байна.
3 Үзэл суртлын аян
"Украины нөхцөл байдал, Оросын эрх баригчдын авирт Европын холбооны гишүүн орнууд дургүйцэнгүй ханддаг нь үнэн. Гэхдээ барууныхны дүрсэлдэг Оросын төрх, тэдний эсрэг явуулдаг үзэл суртлын дайн нь маш буруу"
Густав Харвигссон (Австри)"Европын бүх улсууд Владимир Путиныг дарангуйлагч гэж үздэг гэвэл үгүй. Зарим Европчууд эрх баригчид нь Оросын эсрэг захиалгатайгаар үзэл суртлын аян явуулж байгааг мэддэг. Барууныхан болон Оросын зөрчилдөөн мэдээж илт байдаг. Хоёр тал хоёулаа л олны үзэл санааг хурцлахын тулд хэвлэл мэдээллийг хяналтдаа байлгадаг" гэж Австри эр бичсэн байна.
4 Боломж байв ч ирээдүй алга
"Оросууд бол гайхалтай ард түмэн. Гэхдээ тэд олигархиудтай зэрэгцэн орших биш тэднээс аль болох түргэн салах хэрэгтэй"
Марк Блэйнжер (АНУ)"Америкчууд Оросуудыг ихээхэн хүнд нөхцөлд амьдардаг гэж боддог. Хэвлэлийн эрх чөлөөгүй, иргэний эрхээ бүрэн эдлэх баталгаа байхгүй гэх мэт. Орос улс байгалийн асар их баялагтай ч хөгжил нь удаан байна" гэж Америк эр үзжээ.
5 Гайхалтай удирдагч
"Багаасаа л би Оросын удирдагчийг хүндэлж, үнэлдэг байсан. Шударгаар хэлэхэд би Путинд улсынхаа ерөнхийлөгчөөс илүү итгэдэг”
Селеста Ловетт (АНУ)Европ, Америкийн суртал ухуулгаас болж нэр хүнд муутай болсон ч Путин бол хүчтэй, хүндлэл хүлээж чадахаар удирдагч гэж зарим нь үзсэн байна. Тэр өөрийн орны бие даасан чөлөөт байдлыг бүрэн хангаж, барууны улс төрийн нөлөөллөөс ангид байлгаж чадаж байна. Түүнд дарангуйлагч гэдэг нэр зүүлгэсэн нь ердөө л Европ, Америкийн үзэл суртлын аяны үр дүн гэж хүмүүс бичжээ.
6
"Сайн удирдагч. Шинэчлэлийг эхлүүлэгч. Оросын эдийн засгийг аварч, баялгийг нь хамгаалж үлдсэн хүн"
Том Лиу (Хятад)Хятадуудын үздэгээр Путин бол үндэсний эрх ашгаа хэнээс ч илүү хамгаалж чаддаг удирдагч ажээ. Дарангуйлагч, дэглэм тогтоогч гэдэг нэрийг барууны либералууд л гаргаж ирсэн гэж тэд үздэг байна.
