Унгарын Гадаад хэргийн сайд Петер Сиярто: Европын холбоо эрх ашгийнхаа төлөө Оростой харилцаагаа сэргээх хэрэгтэй
Унгар улсын Гадаад хэргийн сайд Петер Сиярто Европын холбоог Оростой эдийн засгийн харилцаа, холбоогоо сэргээхийг уриалсныг Засгийн газрын албан ёсны сайтад нийтэлжээ.
Сайд үүний өмнөх мэдэгдэлдээ Брюсселийн зүгээс Лиссабоноос Владивосток хүртэлх эдийн засгийн нэгдсэн бүс байгуулах санааг дэмжиж байсан гэдгийг сануулаад “энэ санаачилгад эргэн нэгдэх хэрэгтэй” гэжээ.
Мөн тэрээр "Өнөөдөр Европын холбоо, Орос хоорондын эдийн засаг, худалдааны харилцаа хамгийн муу тал руугаа явж байна” хэмээн нөхөн тэмдэглээд "Европ, Оросын эдийн засгийн харилцааг сайжруулах зайлшгүй шаардлагатай төдийгүй өнөөгийн дэлхийн эдийн засгийн нөхцөл байдлаас үүдэн Европын холбооны бүхий л орон, Европын холбооны эрх ашгийн үүднээс Оростой эдийн засгийн харилцаагаа бүхэлд нь сайжруулах хэрэгтэй гэж бид үзэж байна" гэжээ.
2014 онд Украинд болсон төрийн эргэлт, Крымийг Орост нэгтгэх тухай бүх нийтийн санал асуулгаас хойш Барууны орнуудын Оростой харилцах харилцаа эрс муудсан юм. Вашингтон, Брюссель хоёр Москваг Украины дотоод хэрэгт оролцож, хязгаарлах арга хэмжээ авсан гэж буруутгасан бол Оросын тал хариу хориг тавиад энэ талаар ямар ч яриа хэлэлцээр хийхгүй гэж мэдэгдээд байгаа юм.