Японы төрөөс ард иргэдийн дунд "сүнстэй" гэж яригддаг 8.2 сая орчим хаягдсан байшингуудыг хүмүүст үнэгүй өгөх болон маш хямд үнээр зарах ажлыг эхлүүлсэн байна. Японоор "Акияа" буюу "эзгүй, хаягдсан" гэсэн утгатай нэршил бүхий тэдгээр байшингуудыг залуу гэр бүлийн амьдралыг дэмжих, эзэмшигчгүй үл хөдлөх хөрөнгө ихсэхээс сэргийлэх зорилгоор дахин ашиглах бодлого явуулж байгаа нь энэ ажээ.
"Сүнстэй" байшингууд Японы хөдөө орон нутагт голчлон байрлах бөгөөд ихэвчлэн зай талбай томтой байдаг байна. Иргэд байшингийн нөхцөлөөс хамаарч үнэгүй эсвэл маш бага үнээр авч болох бөгөөд тэр ч байтугай засвар хийхээр болсон тохиолдолд төрөөс зардлаа гаргуулах боломжтой юм байна.
Байшин авахаар болсон гэр бүл 43-аас доош настай байх ёстой бөгөөд сургуулийн насны хүүхэдтэй байх хэрэгтэй гэсэн нөхцөлийг зааж өгсөн байна. Мөн тэд байшин худалдан авсан газартаа байнгын оршин суугчийн бүртгэлтэй болох ёстой аж.
Япон улсын хүн ам сүүлийн арван жилд 100,000-р хорогдсон бөгөөд 2065 онд одоогийн 127 сая хүн 88 сая болж буурах тооцоо гарсан ажээ. Үүнтэй зэрэгцээд Япон дахь эзгүй байшингуудын тоо 2033 онд 20 сая болж өсөх төлөвтэй байна.