Залуучуудын хичээл зүтгэл сул байна. Биеэ нөөсөн, өөрийгөө өмөөрсөн, эрхээ хамгаалсан, алхам бүрээ зааварчлуулсан, хөтлүүлсэн, бэлэнчилсэн, шаардуулсан, шахуулсан, даалгуулсан, дайлуулсан, эрхийн тэнэг, золбин дугаартай, байнга цэнэг нь дуусдаг хямдхан гар утсаа тувт маажих донтой. Залуу байж нэг том ажлын даалгавар барьж аваад орой шөнө сууж нухахаас ядардаг...Шижгэнэсэн залуу эрчтэй байж өглөө эрт 6 цагт ажилдаа ирээд 9-өөс өмнө нэг ажил нугалаад гараасаа гаргаад "май, би хийчихсэн" гээд баавартай шидээд өгөх хүн тун цөөн, бараг байхгүй шүү, гэх мэтчилэн.... Өр шир, ийм төлбөр, тийм төлбөр гэх мэт шанаг тогооны, өнөөдрөөс маргааш хүртэл аргацгаасан амь зуусан, ядарсан зүдэрсэн. Өчүүхэн ахуйн амьдралын асуудалд живж, баригдаж урссан, за дээрээс нь тийм ч "ар гэрийн асуудал", ийм ч "санхүүгийн зовлон" учирлаа, залуу байж тийм ч "эрүүл мэндийн бэрхшээл" гарлаа гээд нэг асуудлаас нөгөө асуудал руу чичэрч харайдаг, үхлээ хатлаа, "ёстой баларлаа, ах аа" гээд л "байнгын",  дуусдаггүй асуудалтай... Мөн аливаа АЖЛЫГ олон юм ярилгүй, хоёр гараараа барьж аваад ТОГТВОРТОЙ СУУРЬШИЛТАЙ, найдвартай, бат төгс хийх, гараас гаргах, гарших, ҮРГЭЛЖ хөгжүүлэх, БАЙНГЫН баяжуулах, гүрийх, ард нь гарах, цаашлаад том зургаар БОЛОМЖ олж харж, хайрцагнаас гадна сэтгэх, тархиа задлах, үүний явцдаа өөрийнхөө МӨРӨӨДЛӨӨ, ӨӨРӨӨ ӨӨРИЙГӨӨ ОЛОХ, ХӨГЖИХ чадвар маш султай. Үнэхээр сул байна, залуусаа...

Dale Choi