Хятад улс төрийн албан хаагчдаа "Алибаба" зэрэг 100 хувийн компани руу илгээнэ
Засгийн газрын харьяа Хятадын технологийн төв нь цахим худалдааны тэргүүлэх "Alibaba" зэрэг 100 хувийн компанитай хамтран ажиллахаар төлөвлөөд байна гэж төрийн хэвлэл мэдээллийн хэрэгслээр цацагдаж байгаа нь Хятадын төрийн үүрэг улам бүр өсөн нэмэгдэж буйтай холбоотой болохыг Ройтерс мэдээлжээ.
Уг алхам нь АНУ-тай хийж буй худалдааны дайн эрчимтэй өрнөж байгаа энэ үед Хятадын засгийн газар, намын эрх баригчид хувийн хэвшлүүдэд илүү анхаарч байгааг харуулж байна.
Загийн газзар Алибаба Групп Холдинг Ltd (BABA.N)-ийн байрладаг Ханжоу хот, Жэжяны зүүн мужийн 100 компанитай хамтарч ажиллахаар төрийн албан хаагчдыг томилно гэж орон нутгийн засаг захиргаа цахим хуудсаараа мэдэгдэв.
Орон нутгийн үйлдвэрлэлийн салбарыг хөгжүүлэх хэрэгсэл болгон танилцуулсан энэхүү удирдамжид бодлогод хамаарах 100 компанийг нэрлээгүй байсан боловч төрийн мэдээллийн хэрэгслүүд Алибаба болон авто үйлдвэрлэгч Zhejiang Geely Automobile Holdings Ltd [GEELY.UL] компаниуд байгааг мэдээлжээ.
Харин Алибаба засгийн газрынхаа төлөвлөгөө, үйл ажиллагаанд нь саад учруулахгүй гэдгээ мэдэгджээ.
“Бид энэ санаачлагыг ойлгож байна. Тэд Ханжоу хотод суурилсан аж ахуйн нэгжийг дэмжих зорилгоор бизнесийн орчныг сайжруулахыг зорьж байна. Засгийн газрын төлөөлөгч нь хувийн хэвшлийн гүүр болж ажиллах бөгөөд компанийн үйл ажиллагаанд саад болохгүй. ” гэж Алибаба мэдэгдэлдээ дурдсан бол "Geely" тайлбар өгөх хүсэлтэд хариу өгөөгүй аж.