15 Нэнси Уолтон Лори - 6.7 тэрбум долларын хөрөнгөтэй

Хөрөнгө: 6.7 тэрбум доллар

Эх үүсвэр: Walmart

Нас: 68

Уолтон Лори бол Walmart-ыг хамтран үүсгэн байгуулсан Буд Уолтоны охин юм. 1995 онд аав нь нас барсны дараа тэрбээр эцгийнхээ эзэмшиж байсан хувьцааны талыг өвлөн авсан юм. 

14 Дайан Хендрикс - 7 тэрбум долларын хөрөнгөтэй

Хөрөнгө: 7 тэрбум доллар

Эх үүсвэр: ABC Supply

Нас: 72

Өөрийн хүчээр Америкийн хамгийн баян эмэгтэй болж чадсан Дайан Хендрикс нь 1982 онд нөхөртэйгээ хамт ABC Supply гэх дээврийн материал нийлүүлдэг компанийг үүсгэн байгуулж байжээ. Тэрбээр 2007 онд нөхрөө нас барснаас хойш компанийнхаа удирдах албан тушаалд ажиллаж байна. 

13 Виктория Марс - 7.4 тэрбум долларын хөрөнгөтэй

Хөрөнгө: 7.4 тэрбум доллар

Эх үүсвэр: Mars Inc.

Нас: 62

Энэ бүсгүй бол 1911 онд байгуулагдсан чихэр үйлдвэрлэгч Mars Inc.-ийг үүсгэн байгуулсан Фрэнк Марсын том ач охин юм. Нэгэн цагт тэрбээр ТУЗ-ийн даргаар ажиллаж байжээ. Түүний аав 2016 онд өөд болоход тэрбээр компанийнхаа 8 хувийн хувьцааг өвлөн авч байсан юм.

12 Валери Марс - 7.4 тэрбум долларын хөрөнгөтэй

Хөрөнгө: 7.4 тэрбум доллар

Эх үүсвэр: Mars Inc.

Нас: 60

Mars Inc.-ийн дөрвөн эгч, дүүсийн нэг болох Валери нь 1992 оноос Mars Incorporated компанид ажиллаж эхэлсэн бөгөөд одоо дэд ерөнхийлөгчийн албан тушаалыг хашдаг. Мөн тэрбээр Fiat Chrysler Automobiles компанийн захирлуудын зөвлөлд багтдаг.

11 Памела Марс - 7.4 тэрбум долларын хөрөнгөтэй

Хөрөнгө: 7.4 тэрбум доллар

Эх үүсвэр: Mars Inc.

Нас: 59

Памела Марс нь гэр бүлийнхээ бизнест анхлан оролцож байсан. Эцэст нь тэрбээр ТУЗ-ийн дарга болсон боловч сүүлд нь огцорчээ.

10 Марижке Марс - 7.4 тэрбум долларын хөрөнгөтэй

Хөрөнгө: 7.4 тэрбум доллар

Эх үүсвэр: Mars Inc.

Нас: 55

Марижке нь эгч, дүүсийнхээ адилаар компанийнхаа захирлуудын зөвлөлд ажилладаг.

9 Анн Уолтон Кроенке - 7.5 тэрбум долларын хөрөнгөтэй

Хөрөнгө: 7.5 тэрбум доллар

Эх үүсвэр: Walmart

Нас: 70

Уолтон Кроенке бол Walmart-ыг хамтран үүсгэн байгуулсан Буд Уолтоны охин юм. 1995 онд аав нь нас барсны дараа тэрбээр эцгийнхээ эзэмшиж байсан хувьцааны талыг өвлөн авсан юм. 

8 Кристи Уолтон - 8.5 тэрбум долларын хөрөнгөтэй

Хөрөнгө: 8.5 тэрбум доллар

Эх үүсвэр: Walmart

Нас: 70

Кристи Уолтон гэх энэ эмэгтэй Walmart-ыг хамтран үүсгэн байгуулж байсан Сэм Уолтоны хоёр дахь том хүүхэд Жон Уолтонтой гэрлэж байжээ. Жон 2005 онд онгоцны ослоор нас барж, Кристи компанийн 17 хувийн хувьцааг эзэмших болсон юм.

Тэрбээр одоо энэхүү хөрөнгөө эх газар, далайн хамгаалалтыг дэмжих буяны үйлст ашигладаг.

7 Блэйр Парри-Океден - 9.6 тэрбум долларын хөрөнгөтэй

Хөрөнгө: 9.6 тэрбум доллар

Эх үүсвэр: Cox Enterprises

Нас: 69

Хэдийгээр тэрбээр Америкийн иргэн боловч голчлон Австралид амьдардаг. Форбс түүнийг 2016 онд Австралийн хамгийн баян хүнээр тодруулж байсан. Түүний ээж Барбара Кокс Энтони 2007 онд таалал төгсөхөд тэрбээр Жоржиа мужийн Атланта хотод төвтэй Cox Enterprises-ийн 25 хувийн хувьцааг өвлөн авч байжээ.

6 Абигайл Жонсон - 14 тэрбум долларын хөрөнгөтэй

Хөрөнгө: 14 тэрбум доллар

Эх үүсвэр: Fidelity Investments

Нас: 57

Абигаил Жонсоны өвөө энэхүү компанийг 70 гаруй жилийн өмнө байгуулж байжээ. Тус компани одоогоор 2.7 их наяд долларын хөрөнгөтэй.

Тэрбээр өвөөгийнхөө компанид 26 жил ажилласны дараа 2014 онд Гүйцэтгэх захирал, 2016 онд ТУЗ-ийн дарга болсон. Абигайл Жонсон нь Fidelity Investments-ийн 24.5 хувийн хувьцааг эзэмшдэг.

5 Лаурен Пауэлл Жобс ба гэр бүлийнхэн нь 21.3 тэрбум долларын хөрөнгөтэй

Хөрөнгө: 21.3 тэрбум доллар

Эх үүсвэр: Apple ба Disney

Нас: 55

Лорен Пауэлл Жобс ба түүний гэр бүлийнхэн 2011 онд Стив Жобсыг нас барсны дараа түүний хөрөнгийг нь өвлөн авчээ. Нэгэн цагт тэрбээр Apple компанийн 5.5 сая ширхэг хувьцаа, The Walt Disney Company-ийн 7.3 хувийн хувьцаатай байсан юм.

Энэ бүсгүй хөрөнгөө хүмүүнлэгийн үйлст зориулдаг бөгөөд ялангуяа боловсрол, цагаачлалын шинэчлэл, хэвлэл мэдээллийн хэрэгсэл, сэтгүүл зүйгээр дамжуулан нийгмийн өөрчлөлтийг хийх зорилготой Эмерсоны хамтын нийгэмлэгийн ажилдаа зарцуулдаг байна.

4 Жаклин Марс - 29.7 тэрбум долларын хөрөнгөтэй

Хөрөнгө: 29.7 тэрбум доллар

Эх үүсвэр: Mars Inc.

Нас: 80

Жаклин Марс бол Mars Inc.-ийн үүсгэн байгуулагчийн ач охин юм. Түүнийг "Snickers" ба "M&M" компанийн гуравны нэг хувийг эзэмшдэг гэж ярьдаг. Харин үлдсэнийг нь түүний ах Жон болон дөрвөн зээ нар нь эзэмшдэг аж.

Тэрбээр боловсрол, байгаль орчин, соёл, эрүүл мэндтэй холбоотой ажлуудад хандив өгдөг.

3 МакКензи Безос - 36.1 тэрбум долларын хөрөнгөтэй

Хөрөнгө: 36.1 тэрбум доллар

Эх үүсвэр: Amazon

Нас: 49

МакКензи Безос болон Amazon-ын үүсгэн байгуулагч Жефф Безос нар 25 жил хамт амьдарсныхаа дараа энэ жилийн эхээр салахаар шийдсэн юм. Улмаар хуулийн дагуу МакКензи нөхөртэйгөө хувьцаагаа хувааж компанийн 4 хувийг эзэмших болжээ. Гэр бүл салалт нь түүнийг Amazon-ын хоёр дахь том хувьцаа эзэмшигч болгосон юм.

Дөрөвдүгээр сард тэрбээр өөрийн хөрөнгийнхөө талыг буяны ажилд хандивлах амлалт өгч байжээ.

2 Жулия Кох ба түүний хүүхдүүд 41 тэрбум долларын хөрөнгөтэй

Хөрөнгө: 41 тэрбум доллар

Эх үүсвэр: Koch Industries

Нас: 57

Жулиа Кохын нөхөр аж үйлдвэр эрхлэгч, консерватив хандивлагч Дэвид Кох нь 8-р сард нас барсан юм. Улмаар тэрбээр гурван хүүхэдтэйгээ хамт Koch Industries-ийн 42 хувийг өвлөн авчээ.

1 Алис Уолтон - 51.4 тэрбум долларын хөрөнгөтэй

Хөрөнгө: 51.4 тэрбум доллар

Эх үүсвэр: Walmart

Нас: 70

Алис Уолтон бол Walmart компанийг хамтран үүсгэн байгуулсан Сэм Уолтоны цор ганц охин юм. Гэхдээ тэрбээр Walmart-ын ажилд оролцдоггүй бөгөөд урлагийн бүтээл цуглуулж, морь арчлахад цагаа зарцуулдаг.

Уолтоныхон бол АНУ-ын хамгийн баян гэр бүл юм.