Т. Аюурсайхан: Үндсэн хуулийн нэмэлт өөрчлөлтийг хэн, яагаад эсэргүүцээд байна вэ?
УИХ-ын гишүүн Т.Аюурсайхан ҮНДСЭН ХУУЛИЙН НЭМЭЛТ, ӨӨРЧЛӨЛТИЙГ ХЭН, ЯАГААД ЭСЭРГҮҮЦЭЭД БАЙГАА ЮМ БЭ?‼#ХҮН_БҮР_АНХААРАЛТАЙ_ҮЗ‼ ҮНДСЭН ХУУЛИЙН НЭМЭЛТ, ӨӨРЧЛӨЛТИЙГ ХЭН, ЯАГААД ЭСЭРГҮҮЦЭЭД БАЙГАА ЮМ БЭ?‼ УИХ-ын гишүүн Т.Аюурсайхан: -Үндсэн хуулийн нэмэлт, өөрчлөлтийн төслийн хоёрдугаар хэлэлцүүлгийг хийж дуусаад бид “Ард нийтийн санал асуулгаар эцэслэн шийднэ” гэсэн шийдвэрээ гаргачихсан. АН-ынхан “Ард нийтийн санал асуулгаар явуул” гээд байсан, өнөөдөр болохоор “Ард нийтээс асуух шаардлагагүй, Ерөнхийлөгчийн хоригийг хүлээж аваад, гуравдугаар хэлэлцүүлгээ хийгээд дуусгая” гэж байна. Үндсэн хуулийн нэмэлт, өөрчлөлтийн төслийг би төгс төгөлдөр болсон гэж хэлж чадахгүй. Гэхдээ энэ хэдэн сард бид зүтгэн байж, болохгүйг нь хасаж, болж байгааг нь дэмжиж байгаад ард нь гарсан. Нэгдүгээрт, байгалийн баялагтай холбоотой асуудлыг бид тэмцэж байж оруулсан. Стратегийн ач холбогдолтой орд газрын үр ашгийн дийлэнхийг нь ард түмэнд хүртээнэ гэдэг заалт хүнд замаар явж байж орсон шүү дээ. УИХ-ыг хариуцлагажуулах, УИХ-ын гишүүнийг эгүүлэн татах, УИХ-ын шийдвэр гаргах механизмыг нь сайжруулах заалтууд орсон. Засгийн газрын сайд нарын “давхар дээл”-ийн асуудлыг 100 хувь биш ч гэсэн 70 хувь шийдсэн. Төсвийн хараат бус байдлыг шийдчихлээ. Хотуудын эрх зүйн байдлыг шинэчлээд өгчихлөө. Эрдэнэт, Дархан, аймгуудын төв гээд сайхан хотууд байхгүй, бүгд сум болчихсон. Төв суурин газрууд хотын хөгжлөөр хөгжих гарц заавал хэрэгтэй. Шүүхийг хараат бус болгох асуудлыг шийдсэн. Харьцангуй. Би бол 60 хувь гэж хэлж чадна. Нэг хүний хараатаас гаргасан. Шүүхийн сахилгын хороо байгуулж, шүүгчийг шаардлагатай бол шалгадаг, эгүүлэн татдаг, ёс зүйн хариуцлага хүлээлгэдэг асуудлыг бид тусгасан. Ерөнхийлөгч хэт их эрх мэдэлтэй байгаа. Үндсэн хуулиар олгоогүй 60, 70-аад эрх мэдлийг органик хуулиар эдлээд сууж байна. Тэрийг нь бид болиулсан. Өнөөдөр бид хоригийг хүлээж авах юм бол, Ард нийтийн санал асуулга явуулахгүй юм бол Үндсэн хуулийн нэмэлт, өөрчлөлт унана, нөхөд өө. Байхгүй болно. Үндсэн хуулийн өөрчлөлтийг хэн, яагаад эсэргүүцээд байна вэ? Нэгдүгээрт, Ерөнхийлөгч шүүхээ бүрэн атгахыг хүсэж байна. Үндсэн хуулиар олгоогүй 60, 70 эрхийг органик хуулиараа эдлэхийг хүсэж байна. Хоёрдугаарт, 2021 онд Ерөнхийлөгч болж, энэ их эрх мэдлийг эдэлье гэж “сэрүүн зүүдэлж” байгаа хүмүүс байна. Гуравдугаарт, 100 хувь “давхар дээл”-тэй байж, Засгийн газрын гишүүн, сайд болъё гэж шунаж байгаа хүмүүс байна. Дөрөвдүгээрт, стратегийн ач холбогдолтой ордын ашгийг хувьдаа завших гэсэн этгээдүүд энэ өөрчлөлтийг зөвшөөрөхгүй байгаа. Тавдугаарт, барьцаанд орсон хүмүүс байна. Ж.Батзандан, Л.Болд хоёр нөхөртөө хандаж хэлье. Бид шүүхийг хараат бус, шударга болгоё гэж яаж зүтгэж, тэмцлээ. УИХ-ыг хариуцлагажуулж, баялгийнхаа үр шимийг ард түмэндээ өгөхийн тулд “Баялагтаа эзэн Монгол” бүлгийг хүртэл байгуулаад яаж тэмцэж байлаа. Одоо энийгээ та хоёр нураах гэж байна шүү дээ. Ингэх юм бол бидний зам салах зааг дээр ирчихлээ.
Posted by DMNN on Sunday, October 6, 2019
УИХ-ын гишүүн Т.Аюурсайхан:
-Үндсэн хуулийн нэмэлт, өөрчлөлтийн төслийн хоёрдугаар хэлэлцүүлгийг хийж дуусаад бид “Ард нийтийн санал асуулгаар эцэслэн шийднэ” гэсэн шийдвэрээ гаргачихсан. АН-ынхан “Ард нийтийн санал асуулгаар явуул” гээд байсан, өнөөдөр болохоор “Ард нийтээс асуух шаардлагагүй, Ерөнхийлөгчийн хоригийг хүлээж аваад, гуравдугаар хэлэлцүүлгээ хийгээд дуусгая” гэж б...айна.
Үндсэн хуулийн нэмэлт, өөрчлөлтийн төслийг би төгс төгөлдөр болсон гэж хэлж чадахгүй. Гэхдээ энэ хэдэн сард бид зүтгэн байж, болохгүйг нь хасаж, болж байгааг нь дэмжиж байгаад ард нь гарсан.
Нэгдүгээрт, байгалийн баялагтай холбоотой асуудлыг бид тэмцэж байж оруулсан. Стратегийн ач холбогдолтой орд газрын үр ашгийн дийлэнхийг нь ард түмэнд хүртээнэ гэдэг заалт хүнд замаар явж байж орсон шүү дээ.
УИХ-ыг хариуцлагажуулах, УИХ-ын гишүүнийг эгүүлэн татах, УИХ-ын шийдвэр гаргах механизмыг нь сайжруулах заалтууд орсон. Засгийн газрын сайд нарын “давхар дээл”-ийн асуудлыг 100 хувь биш ч гэсэн 70 хувь шийдсэн.
Төсвийн хараат бус байдлыг шийдчихлээ. Хотуудын эрх зүйн байдлыг шинэчлээд өгчихлөө. Эрдэнэт, Дархан, аймгуудын төв гээд сайхан хотууд байхгүй, бүгд сум болчихсон. Төв суурин газрууд хотын хөгжлөөр хөгжих гарц заавал хэрэгтэй.
Шүүхийг хараат бус болгох асуудлыг шийдсэн. Харьцангуй. Би бол 60 хувь гэж хэлж чадна. Нэг хүний хараатаас гаргасан. Шүүхийн сахилгын хороо байгуулж, шүүгчийг шаардлагатай бол шалгадаг, эгүүлэн татдаг, ёс зүйн хариуцлага хүлээлгэдэг асуудлыг бид тусгасан.
Ерөнхийлөгч хэт их эрх мэдэлтэй байгаа. Үндсэн хуулиар олгоогүй 60, 70-аад эрх мэдлийг органик хуулиар эдлээд сууж байна. Тэрийг нь бид болиулсан.
Өнөөдөр бид хоригийг хүлээж авах юм бол, Ард нийтийн санал асуулга явуулахгүй юм бол Үндсэн хуулийн нэмэлт, өөрчлөлт унана, нөхөд өө. Байхгүй болно.
Үндсэн хуулийн өөрчлөлтийг хэн, яагаад эсэргүүцээд байна вэ? Нэгдүгээрт, Ерөнхийлөгч шүүхээ бүрэн атгахыг хүсэж байна. Үндсэн хуулиар олгоогүй 60, 70 эрхийг органик хуулиараа эдлэхийг хүсэж байна.
Хоёрдугаарт, 2021 онд Ерөнхийлөгч болж, энэ их эрх мэдлийг эдэлье гэж “сэрүүн зүүдэлж” байгаа хүмүүс байна.
Гуравдугаарт, 100 хувь “давхар дээл”-тэй байж, Засгийн газрын гишүүн, сайд болъё гэж шунаж байгаа хүмүүс байна.
Дөрөвдүгээрт, стратегийн ач холбогдолтой ордын ашгийг хувьдаа завших гэсэн этгээдүүд энэ өөрчлөлтийг зөвшөөрөхгүй байгаа.
Тавдугаарт, барьцаанд орсон хүмүүс байна.
Ж.Батзандан, Л.Болд хоёр нөхөртөө хандаж хэлье. Бид шүүхийг хараат бус, шударга болгоё гэж яаж зүтгэж, тэмцлээ. УИХ-ыг хариуцлагажуулж, баялгийнхаа үр шимийг ард түмэндээ өгөхийн тулд “Баялагтаа эзэн Монгол” бүлгийг хүртэл байгуулаад яаж тэмцэж байлаа. Одоо энийгээ та хоёр нураах гэж байна шүү дээ. Ингэх юм бол бидний зам салах зааг дээр ирчихлээ.
