Пүрэв гарагт Тегеран хотод болсон 2022 оны хөл бөмбөгийн ДАШТ-ийн урьдчилсан шатны Иран - Камбожийн хоорондох тоглолтыг 3500 орчим эмэгтэй үзсэн гэж AFP агентлаг мэдээллээ.
Энэ нь бараг 40 жилийн дараа Иран эмэгтэйчүүдийн хөл бөмбөгийн тоглолт үзсэн анхны тохиолдол юм.
Тоглолт 14:0-ийн харьцаатай Ираны багийн ялалтаар өндөрлөв. Ийнхүү Иран хоёр тоглолтын дараа зургаан оноотойгоор хэсгээ тэргүүлж, Бахрейн дөрвөн оноотойгоор удаалж байна.
Өнгөрөгч Лхагва гарагт Эмнести Интернэшнл Ираны засгийн газраас эмэгтэйчүүдэд зөвхөн энэ удаа хөл бөмбөгийн тэмцээн үзэх тасалбар борлуулсныг "сурталчилгаа" маягийн зүйл гэж үзэж, бүх л хөл бөмбөгийн тэмцээнийг үзэх эрхийг эмэгтэйчүүдэд олгохыг шаарджээ. Түүнчлэн тоглолт болсон цэнгэлдэх 78.000 хүний багтаамжтай бөгөөд тэмцээн үзсэн эмэгтэйчүүдийн тоо маш бага байгааг ФИФА-аас сануулж бүх эмэгтэйчүүдэд тоглолтыг үзэх зөвшөөрөл өгөхийг уриаллаа.
1979 оны Исламын хувьсгалын дараа Иран эмэгтэйчүүдийг эрчүүдийн оролцдог спортын арга хэмжээг үзэхийг хориглож байжээ.