Орос, Энэтхэгийн талууд аюулгүй байдлын стратегийн хамтын ажиллагаагаа өргөжүүлнэ
Оросын Аюулгүй байдлын зөвлөлийн нарийн бичгийн дарга Николай Патрушев Энэтхэгийн Ерөнхий сайдын Үндэсний аюулгүй байдлын зөвлөх Ажит Довалтай пүрэв гарагт Бразилд хийсэн уулзалтынхаа үеэр Орос, Энэтхэгийн стратегийн хамт ажиллагааны талаар хэлэлцсэнийг ТАСС мэдээлэв.
Патрушев 9-р сарын эхээр болсон Орос-Энэтхэгийн дээд хэмжээний уулзалтын үеэр бүх салбарыг хөгжүүлэх, ялангуяа аюулгүй байдлын салбарт хамтын ажиллагаагаа өргөжүүлэхэд чиглэсэн багц гэрээнд гарын үсэг зурсан юм.
Тэрбээр "Энэ нь манай хоёр талын түншлэлийн стратегийн шинж чанарыг харуулж байна" гэж хэлжээ.
Оросын Аюулгүй байдлын зөвлөлийн хэвлэлийн төлөөлөгч Евгений Аношин уулзалтын үеэр Патрушев, Довал нар "Кибер орчны аюулгүй байдлыг сахин хамгаалах, Орос, Энэтхэгийн хууль сахиулах байгууллагуудын хамтын ажиллагааг сайжруулах талаар ярилцсан" гэж мэдэгдсэн байна.
Оросын аюулгүй байдлын албаны дарга одоо БРИКС-ийн (Бразил, Орос, Энэтхэг, Хятад, Өмнөд Африк) Аюулгүй байдлын асуудал эрхэлсэн дээд төлөөлөгчдийн уулзалтад оролцохоор хоёр өдрийн айлчлал хийж байгаа юм.