БНСУ, Хятад улс анх удаа стратегийн батлан хамгаалахын хэлэлцээрийг хийнэ
Өмнөд Солонгос, Хятад улс энэ долоо хоногт батлан хамгаалахын дээд түвшний хэлэлцээр хийнэ гэдгийг Yonhap агентлаг мэдээллээ.
Батлан хамгаалахын дэд сайд Парк Жэ Мин мягмар гараг хүртэл Бээжинд гурван өдрийн айлчлал хийхээр төлөвлөж байна. Тэрбээр даваа гарагт буюу өнөөдөр Өмнөд Солонгос, Хятад улсын сайд нартай стратегийн батлан хамгаалахын тав дахь хэлэлцүүлгийг хийх юм.
Хоёр тал "Солонгосын хойгийн аюулгүй байдал болон бусад харилцан анхаарал хандуулах ёстой асуудлаар хэлэлцүүлэг өрнүүлэх төлөвтэй байна" гэж яамны мэдэгдэлд дурджээ.
Парк мөн Хятадын Батлан хамгаалахын сайд Вэй Фэнгхэтэй уулзах үеэрээ найрсаг харилцааг бүрдүүлэх болно гэдгээ хэлэв.
Хөрш орнууд хоёр талын цэргийн яриа хэлэлцээрийг 2011 онд эхлүүлэхээр тохиролцож байсан. Энэ нь цэргийн утасны шугам байгуулах, агаарын довтолгооноос хамгаалах бүсийг тусгаарлах (ADIZ) зэрэг хэд хэдэн асуудлаар хоорондоо харилцах гол суваг болж байв. Гэвч уг яриа хэлэлцээрTHAAD системийг Өмнөд Солонгост байрлуулахтай холбоотой маргаантай асуудлын дараа 2015 онд зогссон юм.
Хятад улс хамгийн сүүлийн үеийн радарын систем суурилуулахыг эрс эсэргүүцэж байв.
Даваа гарагт болсон хэлэлцээрт Хятадууд THAAD-ийн асуудлыг дахин сөхөх төлөвтэй байна. Сөүл мөн Бээжинтэй нэмэлт цэргийн утасны шугам байгуулна гэж найдаж байна.
Үүний зэрэгцээ Парк Бээжингийн Сяньшань форумд оролцохоор төлөвлөж байна. Хойд Солонгосын Батлан хамгаалахын дэд сайд Ким Хён Рён мөн тус аюулгүй байдлын форумд оролцоно. Харин хоёр Солонгосын батлан хамгаалахын өндөр албан тушаалтнууд тусдаа уулзалт хийх эсэх нь одоогоор тодорхойгүй байна.