Японы шинэ эзэн хаан Нарухито өөрийн хаанчлалаа тунхаглаж, дэлхийн хамгийн эртний хаант засаглалын уламжлалыг орчин үетэй хослуулах, ялангуа гэр бүлээ хааны ордны хатуу дэг жаягаас хамгаалах гэх мэт нарийн үүрэг даалгавраа биелүүлж эхэллээ.

Өдгөө 59 настай тэрбээр хааны гэр бүлийн амьдралын хатуу хэв маягийг шүүмжлэхээсээ санаа зовдоггүй ба түүний эхнэр Масако нь сэтгэл гутралд орохоосоо өмнө эзэнт гүрний амьдралд дасан зохицохын тулд маш их хичээж байжээ.

Нарухито өөрийн аав Акихитогийн нэгэн адил дэлхийн 2-р дайныг "зөв" санаж байх хэрэгтэйг анхааруулж, 20-р зууны эхэн үеийн Японы милитаризмыг үгүйсгээгүй юм.

1960 оны 2-р сарын 23-нд төрсөн Нарухито Японы анхны хан хүү бөгөөд эцэг эх, ах эгч нартайгаа нэг дээвэр дор өссөн ч түүнийг хааны хүүхдүүдийн асрагч, багш нар нь хүмүүжүүлжээ.

Тэрбээр 1980-аад онд Японд түүхийн мэргэжлээр суралцаж төгсөөд Оксфордын их сургуульд хоёр жил суралцаж, Америкийн жүжигчин Брук Шилдсийн зурагт хуудсаар дотуур байраа чимэглэж байсан гэдэг.

Британид байхдаа тэрбээр Японы хаан угсааны амьдралын зарим хатуу дэглэмийг даван туулж чадсан бөгөөд бусад оюутнуудтай, ялангуяа Британийн хааны гэр бүлийнхэнтэй таатай харилцаатай байснаа дурсан ярьдаг.

1993 онд Нарухито Хризантемагийн сэнтийд заларч байхдаа Масако Овадатай гэрлэжээ.

Масако Овада нь дипломат гэр бүлийн охин бөгөөд Харвард, Оксфордод боловсрол эзэмшсэн аж. Гэвч бүсгүй хааны гэр бүлд орохоор болж ирээдүйтэй дипломат мэргэжлээ орхисон байна.

"Хааны шинэ үүрэг"

Нарухито бүхий л үед түүнийг "ямар ч үнээр хамаагүй хамгаалах болно" гэж амласан бөгөөд эхнэрээ өөрийнх нь төлөө карьераа золиосолсон, тэр хатуу дэг, жаягтай хаан угсааны амьдралд дасах гэж шаргуу тэмцсэн гэж хэлэв. 

Мөн охин хүүхдийг Японы эзэн хааны залгамж гэж үздэггүй тул бүсгүй хүү төрүүлэхийн тулд маш их дарамтад оржээ. Энэ асуудал нь 2001 онд хосуудын цорын ганц хүүхэд болох Айко гүнжийг төрсний дараа л улам даамжирсан юм.

2004 онд Нарухито олон нийтийн өмнө хааны ордны ажилчдыг эхнэрийг нь хувь хүнийх нь үүднээс гутаан доромжилсон хэрэгт буруутгаж байжээ.

Тэрбээр "Би Масаког сүүлийн 10 жилийн хугацаанд хааны гэр бүлийн амьдралд суралцах гэж их хичээсэн гэж бодож байна" гэж хэлж байв.

Масако түүний өмнөх дипломат амьдралаас хойших тулгарсан бүх зүйлд ихээхэн шаналжээ. Тэр ч бүү хэл тэрбээр гэрлэлтийнхээ үеэр стрессээс үүдэлтэй эмчилгээнд орж байсан юм.

Гэхдээ 2006 онд хадам эгч нь хан хүү Хисахитог төрүүлсний дараа Масакод ирэх дарамт бага зэрэг хөнгөрчээ.

Тэрбээр 5-р сард Нарухитог хаан ширээнд залрах үеэр АНУ-ын Ерөнхийлөгч Дональд Трампыг угтан авсны дараа өөртөө итгэлтэй харагдаж байв.

Тэр дундаа түүний тэргүүн хатагтай Мелания Трамптай англиар чөлөөтэй ярьж байсан нь олны сайшаалыг хүртсэн билээ.

Нарүхито нь өнгөрсөн тавдугаар сарын 1-нд эзэн хааны сэнтийд заларч Японд “Рэйва” хэмээх шинэ эрин эхэлжээ. Нарүхитогийн эцэг Акихито нь эрүүл мэндийн шалтгааны улмаас хүүдээ хаан ширээгээ шилжүүлсэн юм.

Япон улсын Эзэн xаан Нарүхитог хааны сэнтийд заларсныг тунхаглах төрийн ёслол мягмар гарагт буюу өнөөдөр Токио дахь эзэн хааны ордонд боллоо. Ийнхүү Япон улс өөрийн шинэ эзэн хаанаа дэлхий нийтэд зарлан тунхаглаж энэ өдрийг үндэсний баяр болгон тэмдэглэж байна.