Сирийн Курд иргэн НҮБ-ын дүрвэгсдийн хоргодох байрны гадна өөрийгөө шатаажээ
30 настай Сирийн Курд иргэн лхагва гарагт Женев дэх НҮБ-ын дүрвэгсдийн хоргодох байрны гадна өөрийгөө шатааж, улмаар эмнэлэгт хүргэгдсэн болохыг Ройтерс мэдээллээ.
ХБНГУ-д оршин суудаг тус эрийг Лосанна дахь их сургуулийн эмнэлгийн түлэгдэлтийн тусгай тасаг руу нисдэг тэргээр яаралтай хүргэж, шаардлагатай эмчилгээг хийлгэж байна гэж Женевийн цагдаагийн төлөөлөгч Силвейн Гуилуме-Гентил мэдэгдэв.
Тэрбээр "Түүний биеийн байдлыг харгалзан, ямар шалтгааны улмаас ийм үйлдэл хийснийг нь асуух боломжгүй байсан ч энэ нь улс төрийн нөхцөл байдалтай холбоотой байх" гэж хэлжээ.
Туркийн цэргийнхэн 10-р сарын 9-нд Сирийн хойд хэсэгт халдлага үйлдэж, Курд цэргүүдийг хилийн бүсээс холдуулахыг завдсан бөгөөд мягмар гарагт Орос, Турк хоёр Сирийн зүүн хойд хилээс Курдын "YPG" цэргийн ангийг гаргах асуудал дээр тохиролцоонд хүрсэн юм.
АНУ-ын дүрвэгсдийн асуудал эрхэлсэн дээд комиссарын (UNHCR) хэвлэлийн төлөөлөгч Андрей Мэчич "Өнөө өглөө манай Женевийн төв байрны урд болсон хэрэгт бид маш их харамсаж бас цочирдож байна. Тэр хүн өөрийгөө галдаж, дараа нь НҮБХБ-ийн байр руу орохыг оролдсон боловч хамгаалалтын болон эмнэлгийн ажилчид түүний галыг нь унтрааж, барьж чадсан. Түүнийг эдгэрнэ гэж найдаж байна" гэж хэлжээ.
НҮБХБ-ийн байр нь орогнол хүссэн хүмүүст зориулсан хоргодох байр бөгөөд гудамжных нь цаана Сирийн Курдууд байрладаг аж.
Хоргодох байрны нэгэн хүн "Тэр асар том галын дөл шиг харагдаж байсан. Түүнийг амьд үлдэж чадна гэдэгт эргэлзэж байна" гэж ярьсан байна.