Ибупрофен болон аспирин нь сэтгэл гутралыг эмчлэхэд тусалдаг болохыг эрдэмтэд тогтоожээ
Шинэ судалгаагаар ибупрофен, аспирин зэрэг үрэвслийн эсрэг эмүүд нь сэтгэл гутралыг эмчлэхэд нөлөөлдөг болохыг тогтоожээ. Энэ нь сэтгэл гутралын эсрэг эмүүдийг бодвол хамаагүй аюулгүй байдаг гэнэ.
Их Британид 6 насанд хүрэгчдийн нэгээс илүү нь буюу 7.3 сая хүн сэтгэл гутралын эсрэг эм хэрэглэдэг бөгөөд ихэнхэд нь дотор муухайрах, нойргүйдэх, жин нэмэх, тэр ч байтугай амиа хорлох бодол төрөх гэх мэт гаж нөлөө илэрдэг байна.
Хятад улсын Хуажонг Шинжлэх Ухаан Технологийн Их Сургуулийн судлаачид "үрэвслийн эсрэг бодисууд нь сэтгэл гутралд үр дүнтэй нөлөө үзүүлдэг" гэж дүгнэж, үргэлжлүүлэн судалгаа шинжилгээгээ хийхээр болсон ба тэд статин, омега-3 тосны хүчил зэрэг бусад үрэвслийн эсрэг эмүүдийг сэтгэлийн гутралын эсрэг эмүүдтэй хамт хэрэглэвэл илүү үр дүн гардаг болохыг тогтоосон байна.
Сэтгэл гутрал нь бие махбодийн бүх хэсэгт үрэвслийг өдөөж, аз жаргалгүй мэдрэмж төрүүлж, дархлааг сулруулж ядраадаг байна. Улмаар эмч нар эхлээд үрэвсэл, сэтгэл хямрал хоёрын хоорондох холбоог анзаарч эхэлжээ.
Ялангуяа дархлаа нь хяналтад байдаггүй ревматоид артрит/хоолойны ангина/ гэх мэт үрэвслийн гаралтай өвчтэй хүмүүс сэтгэл гутралд өртөх магадлал маш өндөр байдаг гэнэ.