ОХУ-ын Шинжлэх Ухааны академийн харьяа Нийгэм Судлалын Их Сургуулийн шинжээчид сэтгэцэд нөлөөлөх бэлдмэлүүд буюу хар тамхиний хэрэглээ нь мэргэжлээс хамаардаг болохыг олж тогтоосон байна. Энэ тухай "Известия" сонин мэдээлэлсэн юм. 

Эрдэмтэд өөр өөр мэргэжлийн хүмүүсийг ажиглаж үзээд эмч, хуульч, барилагчид болон хортой нөхцөлд ажилладаг хүмүүсийг хар тамхи илүү хэрэглэдэг гэсэн дүгнэлтэд хүрсэн байна. Тэд үүнийгээ өөрсдийн мэргэжлийн онцлог тухайлбал их стресстэх гэх мэт хүчин зүйлстэй уялдуулан тайлбарласан юм.

Хар тамхийг хамгийн ихээр хэрэглэдэг мэргэжил гэвэл хүнд үйлдвэрийн болон аюултай орчин эсвэл хүнд даацын техник хэрэгсэлтэй харьцдаг аж ахуйн нэгжийн ажилчид тодорсон ба хот суурин газраас тухайн ажлын байр хэт хол байрлалтай байна тухайн газрын ажилтан төдий чинээ донтуулах бодисны нөлөөнд автдаг ажээ. 

Мөн барилгачид хар тамхинд донтох нь их байдаг, учир нь бэртэл гэмтэл авсан үед өвчин намдаах эмийг ууж эхэлснээр сүүлдээ дасал болон донтдог аж. 

Сэтгэцэд нөлөөлөх бэлдмэлд донтох явдал нь эдгээр эм бэлдмэлүүдтэй хэр ойр байдагтай холбоотой гэж Сербийн Эрүүл мэндийн яамны төвийн профессор Татьяна Клименко дүгнэж байгаа юм. Гэвч Татьяна Клименко хар тамхинд донтох гол шалтгааныг мэргэжил бус хувь хүний соёлоос хамаарна гэсэн байна. 

гэж ОХУ-ын Улс Түмний Найрамдлын Их Сургуулийн сэтгэл зүй, наркологи, сэтгэл заслын тасгийн эрхлэгч Александр Березкин хэлсэн юм. 

Энэхүү судалгааны ажлыг санаачлагчид хэдэн жилийн туршид 21-ээс 55 насны ажилчдын дунд асуулга явуулсан аж. Мөн тэд хар тамхины эсрэг эмчилгээнд явж буй хүмүүсээс судалгаа авсан байна. Нийтдээ ойролцоогоор 5000 хүн санал асуулгад оролцсон юм. Судлаачид илүү их дүн шинжилгээ хийх хэрэгтэйг мөн үүнийгээ ч үргэлжлүүлэх болсноо зарласан байна. 

Эх сурвалж: Lenta.ru