Зарим хүн их сургуульд сурах эсэхдээ эргэлзэж байхад бусад нь бакалаврын зэргийн үнэлэмжийн талаар янз бүрийн сөрөг мэдээг уншсан байж магадгүй. Зарим хүн зах зээлийг дипломтой хүмүүс дүүргэж байна гэж хэлж байхад зарим нь технологийн хурдацтай хөгжил болон их сургуулийн хуучирсан боловсрол ихэнх салбарт чухал байхаа больж байна гэж ч хэлдэг. Гэвч энэ нь бодит үнэлэмж биш юм.
Бодит байдал дээр бакалаврын зэрэг нь одоог хүртэл хувийн болон ажлын зорилтуудад үнэ цэнээ хадгалсаар байгаа.
Өнөөгийн ажлын байр дээрх бакалаврын зэргийн үнэ цэнийг доор дурдсан мэдээллээс дүгнэж үзье. Эргэцүүлж шинжилж үзэх нь зөв. Үнэн мэдээлэлтэй байхад үнэхээр бакалаврын зэрэг хэрэгтэй эсэхийг шийдэж чадна.
1. Бакалаврын зэргийн эрэлт хэрэгцээ нэмэгдэж байна
Хаа сайгүй бүх үйл ажиллагаа автоматжиж, гайхамшигтай хурдаар өсөж байна. Машин угсралт гэх мэт ажлууд бага багаар автоматжин алга болж байна.
Гэтэл чадварын хэрэгцээ багасах биш нэмэгдсээр байна. Охаёо мужийн Дээд Боловсролын Хэлтэс нь тухайн мужын бүх ажлын байрны гуравны хоёрт бүрэн дундаас дээш зэрэг шаардагдана гэж таамаглаж байна. Жоржтауны Олон Нийтийн Захиргааны Институтийн гаргасан мэдээллээр 2021 он гэхэд АНУ-д бүх ажлын байрны 35% нь хамгийн багадаа бакалаврын зэрэг шаардах аж.
2. Бакалаврын зэрэгтэй хүмүүс илүү тогтвортой карьертэй байдаг
Бакалаврын зэрэг нь ажилд ороход нөлөөлөхөөс гадна, ажлын байран дээр ч нөлөөтэй. Бакалаврын зэрэггүй хүмүүс халагдах магадлал нь илүү өндөр байдаг. Мөн бүрэн дунд боловсролтой хүмүүсийн 8% нь ажилгүйдэлтэй байхад бакалаврын зэрэгтэй хүмүүсийн 2% нь л ажилгүй байдаг байна.
3. Бакалаврын зэрэг зардлаа нөхдөг
Та бакалаврын зэрэг авах гэж зарцуулсан мөнгөө маш хурдан олж авна. Өндөр албан тушаалд ажилтан авахдаа сургаж авах шаардлагагүй хүнийг компаниуд авах дуртай байдаг. Ажилд ороод шууд эхлэх боломжтой хүнийг хүсдэг. Бакалаврын зэрэг нь илүү цалин, тогтвортой байдал ман олон давуу талуудыг авч ирэх том хөрөнгө оруулалт юм.
Бүрэн дунд боловсролтой хүмүүс, бакалаврын зэрэгтэй хүмүүсээс ойролцоогоор 20%-р бага цалин авдаг. (Эдийн засгийн хамтын ажиллагаа болон хөгжлийн байгууллага, 2017)
4. Бакалаврын зэрэг нь хүсэл тэмүүллээрээ мөнгө олох боломжийг олгодог
Нас нэмэгдэх үед карьерээ өөрчлөх нь сэтгэл догдлуулсан, хүч чадлын сорилт байдаг. Цэргийн албанд 20-25 жил зүтгэсэн хүмүүс ихэнхдээ ажиллах хүсэлтэй байдаг ч тэтгэвэрт гардаг. Цэргийн ур чадварууд иргэдийн энгийн өдөр тутмын ажлууд руу хөрвөж орохдоо хэцүү байдаг.
Хамгийн чухал нь хүсэл тэмүүлэл байгаа бол танд хэрэгтэй зөв мэдлэг хэрэгтэй. Хэрвээ хүсэл тэмүүллээ олсон бол өөрийгөө та азтайд тооцох хэрэгтэй. Ихэнх хүмүүс юу руу тэмүүлэхээ олж чаддаггүй.
5. Бакалаврын зэрэг нь маш их туршлага болдог
Дээр дурдсан бүгд карьерийн тухай байсан. Гэхдээ заримдаа боловсрол бол та болон таны хувийн зорилгын төлөө байдаг.
Олон хүн өөрийгөө хөгжүүлэхийн тулд сурдаг. Бакалавраар сурах нь таны маш ихээр сонирхдог сэдвээ гүнзгий судлах боломж болно. Хувь хүний хөгжлийн өнцгөөс харахад энэ нь таныг зөвхөн карьер гэлтгүй олон зүйл дээр шийдвэр гаргах чадвар болон тунгаан бодох чадварыг нэмэгдүүлдэг.
Хүмүүс амьдралдаа илүү эрх чөлөөтэй байхын тулд бакалаврын зэргээр сурдаг. Үүний илэрхийлэл нь ажлын тогтвортой өдөр, цаг (09:00-17:00), оффист биш илүү уян хатан ажилтай болох явдал юм. Үүний үр дүнд хүн өөртөө илүү цаг зарцуулах боломжтой болдог.
ТА ӨӨРТӨӨ ХӨРӨНГӨ ОРУУЛАЛТ ХИЙХ ЭРХТЭЙ
Бакалаврын зэрэг хэрэгтэй, ялангуяа карьерээ дээшлүүлэх эсвэл карьерээ сольж байгаа хүмүүст. Боловсрол бол хамгийн том хөрөнгө оруулалт.
Эх сурвалж: franklin.edu
