Билл Гейтс АНУ-ын засгийн газрыг цар тахлын эсрэг дорвитой арга хэмжээ аваагүйд буруутгалаа
Коронавирусын цар тахал дэлхийн өнцөг булан бүрд тархаж, аюулын харанга дэлдэж байгаа энэ үед, Билл Гейтс эхнэр Мэлинда Гейтсийн хамт уг өвчний эсрэг үр дүнтэй эмчилгээ болон урьдчилан сэргийлэх аргыг эрэлхийлэгчдийн тэргүүн эгнээнд байгаа билээ.
Хосууд өмнө нь ч бусад төрлийн гоц халдварт өвчний эсрэг ажиллагаанд идэвхийлэн оролцож, туслалцаа үзүүлдэг гэдэгээрээ алдартай билээ.
Майкрософт компанийн үүсгэн байгуулагч, дэлхийн толгой баячуудын нэг Билл Гейтс 200 орчим хандивлагчдыг цахимаар цуглуулж, тэдэнд хийсэн мэдэгдэлдээ: Бид бусад орнуудын оролцоог ч гэсэн нэгтгэж, хамтран ажиллахыг хичээж байна гэж мэдэгджээ. Тэрээр мөн уг мэдэгдэлдээ ийм цаг үед хэн нэгэн ямар нэг үйл эхлүүлэх нь зүйн хэрэг гээд, АНУ-н засгийн газрыг бусад орнуудтай хамтарч цэцэг өвчин, халуун хумхаа гэх мэт өвчний эсрэг авч байсан арга хэмжээтэй ижилээр уг өвчний эсрэг үйл хэрэг явуулна гэж найдаж байна гэжээ.
Билл Гейтс коронавирусын вакцин гарган авахаар оролдож байгаа гурван байгууллагын (Moderna, AstraZeneca болон Johnson&Jonhson) үр дүн их нааштай байгааг дурдаж, дэлхийн хэмжээнд ихэнх газар аюулгүй болсон үед л цар тахлын заналхийллийг багассан гэж үзэж болно гэж мэдэгдсэн юм.
Гэсэн ч гол хүндрэл нь вакциныг бүтээсэн ч гэсэн дэлхийн хэмжээгээр үйлдвэрлэж, тараах нь явдал юм.
Мэлинда Гэйтс хэлэхдээ: Бидний энэ асуудалд санаа тавьж, оролцож байгаа шалтгаан нь бид вакцин үйлдвэрлэгдсэн даруйдаа өндөр өртгөөр худалдаж авах чадвартай улсуудад хуваарилагдаасай гэж хүсээгүй болхоор л тэр. Багаар бодход 60 сая орчим эрүүл мэндийн ажилтнууд уг өвчинтэй тэмцэхээр өдөр шөнөгүй ажиллаж байгаа. Тэд л хамгийн эхэнд вакциныг авах эрхтэй хүмүүс учир нь тэдний хичээл зүтгэлээр л бид аюулгүй байдалд байна гэж мэдэгдсэн юм.
Хосуудын үүсгэсэн сан 350 сая орчим ам.долларыг коронавирусын эсрэг үйл ажиллагаанд хандивлаад байсан бөгөөд мөн нэмж 1.6 тэрбум ам.долларыг ирэх 5 жилийн үйл ажиллагаанд төсөвлөж хандивлана гэдгээ мэдэгдээд байгаа юм.
Цаг агаар хүйтрэх үеэр цар тахлын хоёр дахь тархалт дэгдэх магадлалтай бөгөөд зөвхөн амны хаалт нь хамгийн хямд төсөр бөгөөд боломж өндөртэй урьдчилан сэргийлэх арга гэж үзэж байгаа юм. Хосууд АНУ-н засгийн газрыг иргэддээ амны хаалт зүүлгэх тал дээр хойрго хандаж, тууштай арга хэмжээ авахгүй байгаад буруушааж байгаа бөгөөд: Амны хаалт тийм ч үнэтэй биш, бас амны хаалт зүүснээр муугүй үр дүнд хүрнэ гэж хэлсэн байна. Мөн түүнчлэн Мэлинда Гэйтс: Хүн бүр ямар нэгэн шалтаг хэлэлгүйгээр заавал амны хаалт зүүх хэрэгтэй гэжээ.
Эх сурвалж: Forbes
