Хиймэл оюун, хагас бодит орчин болон 5G технологийн хамтрал мэс заслын эмч нарт дэмжлэг болно
Маш олон хүмүүс, тэр тусмаа хиймэл оюуны судалгааны чиглэлээр мэргэшсэн хүмүүс нь нэгэн алдаа гаргадаг нь тэд хиймэл оюуныг маш олон зүйлийн шийдэл мэтээр хүлээн авдаг. Бодит байдал дээр хиймэл оюун нь дангаар шийдэл болж чадахгүй харин хэрэглэгдэхүүний үүргийг гүйцэтгэх юм. Хиймэл оюун бол илүү том шийдэл гаргах системийн нэгэн хэсэг л гэсэн үг.
Эрүүл мэндийн системд маш олон дэвшил гарч байна, мөн түүнчлэн хиймэл оюун ухааныг ашиглаж болох маш олон шийдэл байна. Радиологи, зураглал зэргээс гадна тооцоолол зэрэг анагаах ухааны бүхий л салбарт хиймэл оюун ухааныг ашиглах боломжтой болсон. Олон ч эрдэмтдийн хувьд хамгийн их хүлээж байгаа салбар бол мэс заслын салбар юм. Тийм ч учраас “Ocutrx Vision Technologies” компани нэгэн шинэлэг инновацийн шийдэл олсон нь хиймэл оюун ухаан, хагад бодит орчин (Augmented reality) болон 5G технологийг хослуулан мэс заслын салбарт ашиглахыг зорьж байгаа юм.
Мэс заслын салбарт:
Мэс засал бол маш ээдрээтэй зүйл. Мэс заслын үеэр өвчтөний биеийн байдал өөрчлөгдөх зэрэг нөхцөл гарах нь маш өндөр. Харин бидэнд энэ бүхнийг зохицуулах орчин үеийн технологи нэн шаардлагатай болоод байсан юм. Одоогийн нөхцөл байдалд хамгийн боловсронгуй хувилбар нь өвчтөний мэс засал хийх шаардлагатай хэсгийг МРАй-д харж, зураглалыг нь гаргаж авсны дараа ямар мэс ажилбар хийхээ төлөвлөдөг. Гэхдээ зураглал дээрээс алдаатай үр дүн гаргах нь өвчтөний амь насны хувьд тун том эрсдэл юм.
Тэгвэл тэдний бүтээж буй технологийн давуу талын хамгийн эхний жишээ нь хагас бодит орчин буюу “Augmented Reality” (AR) юм. Мэс засалч, хагалгааны явцад өвчтөний биеийн байдал, зүрхний цохилт, хүчил төрөгч болон даралт зэрэг шаардлагатай мэдээллүүдийг өөр тийш анхаарах шаардлагагүй нүднийхээ урд тогтмолоор харж, хянаж байх боломжтой болж ирэх юм. Учир нь мэс заслын эмчид ажиллагааны явцад сул алдах нэг секундийн хугацаа өвчтөний үхэл амьдралыг шийдэх асуудал болж хувирах тохиолдол ч байдаг.
Хиймэл оюуныг дангаар нь ажиллуулах нь одоогийн ашиглаж буй технологиос тун ч ялгаагүй бөгөөд дэлгэцийг хянах өөр нэгэн давхар шаардлагатай гэдэг нь шинэчлэлт, сайжруулалт болж чадахгүй учир хагас бодит орчныг ашиглах нь тун өгөөжтэй санаачилга болоод байгаа юм.
Үүний дараагийн жишээ нь 5G технологи болон оюун ухаан юм. Тэд эмнэлгийн компьютерын үйлчилгээг илүү дэвшилтэт болгохоор зорьж байгаа бөгөөд тухайн эмнэлгийн мэдээллийн хувийн сантай болгохыг зорьж байгаа ажээ. Мэс заслын эмч нар гүйцэтгэх гэж буй мэс ажилбар, гарсан үр дүн зэрэг өөрт шаардлагатай мэдээлэл зэргийг уг сангаас ашиглах боломжтой бөгөөд бүр мэс заслын дундуур ч ашиглах боломжтой болох ажээ. Мэдээллийг ашиглахын тулд 5G технологийн өндөр хурдыг давхар ашиглах шаардлагатай бөгөөд ингэснээр мэдээллийг илүү өндөр хурдаар, хугацааны хоцрогдолгүй хүлээж авах нь чухал мөчид гэнэтийн шийдвэр гаргах үед нөлөөлнө гэж үзэж байгаа юм. Уг технологи нь зориулалтын нүдний шил болон чихэвчтэй гарахаар яригдаж байгаа юм ингэснээр мэс засалч шаардлагатай мэдээллийг нүдээрээ харах бөгөөд мөн түүнчлэн төхөөрөмжийн дуу чимээ зэрэгт анхаарал сарних нь бага, зөвхөн шаардлагатай зүйлсийг чихэвч ашиглан багийнхантайгаа ярилцах боломжтой болох юм.
Өөр нэгэн давуу тал нь 5G технологи болон хиймэл оюун ухааны тусламжтай алсын зайнаас мэс заслын зөвлөгөө өгөх боломжтой болж ирэх юм. Учир нь гэнэтийн шалтгаанаар нүдний мэс засал хийж байгаагүй, дадлагагүй эмч хүний нүдэнд мэс засал хийх шаардлагатай боллоо гэхэд хол зайд байрлах хэдий ч, мэс засалд зөвлөгөө өгөх боломжтой мэргэшсэн эмч нарыг холбож, шууд хамтруулах боломжтой болох юм.
Эхлэл хэсэгт хэлж байсан санааг дахин давтаж хэлэхэд хиймэл оюун ухаан бол шийдэл биш харин томоохон шийдэлд хүргэж болох багаж билээ. Мөн анагаах ухааны салбар ч цор ганц жишээ биш юм.
Эх сурвалж: Forbes
