Хүрэлсүхийн нүүдэл
За ийм л юм болоод байх шиг.. Өчүүхэн миний анализ..
Олон нийтийн таамгууд:
1. Төрийн эргэлт
Төрөөд нэг хонож байгаа хүү ээжийнхээ эрхийг хамгаалаад зогсохгүй тэвчээрээ зангидсан олныг орноос нь босгов. Арай ч дээ нярай биетэй ээжийг яаж байгаан бээ пээ пүү паа.. 22 товчоон дээр хүн амиа алдахад жагсаж болох л байсан.. энийг уншигч та бод.. За ингээд дөнгөж төрсөн хүү төрийн эргэлт хийлээ гэж.. Зүгээр цагаа олсон шалтаг шалтгаан л хэрэгтэй байсан байхгүй юу даа. Гоё үлгэр.. Үлгэрийн кино үзэж өссөн хүмүүс хэзээ том болноо.
2. Ард түмний шахалт, Ёс зүйн хариуцлага
Ард түмэн шахаад л аймар ёс зүйтэй болохоороо ард олноо бодоод л ажлаа өгөөд л, араас нь Хүрэлсүх хэлж байна шдэ.. - Би анд нөхдөө хаядаг хүн биш.. Ерөнхийлөгч та бид хоёр үүгээрээ адилхан хүмүүс.. гэхдээ би ажлаа хийнэ, миний улс төрийн амьдрал төгсөөгүй харин ч эхэлж байна. !!......... Хээе байжийдаа.. нөгөө ард түмэн бид хаачваа.. Хэн асуусан юм бээ түүний улс төрийн кареерыг.. Ерөнхий сайдын маань амнаас хэний ашиг сонирхол сэнгэнэтэл үнэртэв гэхээр зөвхөн өөрийнх нь.. АРД ТҮМНИЙ ШАХАЛТ ГЭЖ БҮҮ АНДУУР.. ЁС ЗҮЙ ЯРИАД Ч ИЛҮҮЦ..
3. Сонголтгүй сонголт
Анхандаа би Ерөнхий сайдыг сонголтгүй болоод огцрох хүсэлтээ өөрөө гаргачихлаа гэж харав. Ядарсан ч байх.. яалт ч үгүй хүнд цаг үе ч таарлаа. Харин ч хамаг чадлаараа үсээ бууралтаж зүсээ гундтал ажиллав. Үгүйсгэж болохгүй. Шахалт дарамтууд ирсээр байв. Цохилт аваад удсан тэрээр саналаараа огцрох нь нэрэнд цэвэр учраас ийм нүүдэл хийв. Түүний поп занг тэр өөрөө ч дарж дийлэхгүй. Түүхэнд анх удаа тэрээр өөрөө огцрох хүсэлтээ гаргасан ерөнхий сайд болов гэж зарим гишүүд тунхаглаж байна. Юу гээч түүхийг ялсан тал бичдэг юм шдээ. За яахав түүний нүүдэл амиа бодвол одоо цаг үед зөв үү ЗӨВ өө.
Жүжгийн тайзны хөшиг нээе
Их энгийн.. энэнд ерөөсөө нэх толгой өвдөөд байх юм байхгүй.. тэрээр 1968 оны 6 сарын 14нд УБ т төржээ. Ихэрийн орд.. зүгээр сонирхуулсын кк.. Одоо 52 настай. Хий насаараа 53. Засаг огцрох нь цаг хугацааны асуудал байв. Хэзээ л засаг 4,5 жилээр оршин тогтноод байлаа. Түүний дараах нүүдэл Ерөнхийлөгч биш бол өөр юу гэж.. кареер гайгүй яваа дээрээ нүүхгүй бол нас нь явчихсан байгаа биздээ.
Ерөнхийлөгчийн бүрэн эрх 6 жил болчихсон. Энэ удаа Баттулгатай барьсан андгайгаа бариад өнжлөө гэхэд 6 жилийн дараа Хүүк 58,9тэй 60 хүрч байгаа улс төрч за яахав чадалтай байгаад байгаад бие болоод оюуны ачаалал даах чадвар нь сулралд орно. Нам доторх нөлөө нь сарьнана. Шинэ залуу улс төрчид тийм амар удирдагдахгүй л байх. Үүнийг тэнэг хүн ч бодох л байлгүй дээ.
Олон нийт янз бүрээр дүгнэж байна. Хувиа хичээсэн, амиа бодсон, Жэнкотой нийлж Мигээ унагаад одоо Жэнкогоо мурилаа ч гэж байна. Миеэгомбын Энхболд МАН ы тэр том аппаратыг ажиллуулдаг байсан хүнийг ард түмэн Монголын улс төрөөс арчсан гэж аугаа том андуурдаг. Хүрэлсүх хавьтсан болгондоо халгай тарьж өөртөө дайсан нэмж ирсэн нь шулуухан хэлэхэд ном уншдаггүйнх. Заза энэ хэсэг онигоо шүү.
Нэг юм санаанд орчихлоо. Ромео и Жульетта жүжиг жил бүр тайзнаа тавигддаг. Үзэгчдийн суудал дүүрэн л байдаг. Энэ жил үзсэн хүн дараа жил нь ахиад л үздэг. Яагаад? Зохиол нь солигддог уу? Үгүй. Энэ жил энэ жүжигчин яаж тоглох нь вэ гэж хүмүүс үзэх гэж очдог. Энэ чинь Монголын улс төр байхгүй юу даа. Төрийн эрх баригч намын зохиолыг нь хэн бичдэг гэж бодож байна. Ми. Энхболд байхгүй юу. Тиймдээ Хүрэлсүх өнөөдөр хаашаа хийсэхээ мэдэхгүй хамаг байдаг юмаа тавиад ёондоогоо үзэхээс өөр аргагүй байдалд оров. Тэнэг биш бол үүнийг Хүрэлсүх өөрөө ч мэдэж байгаа. Ми дээ бадар бариад очиход нөгөөх нь өөдөөс нь инээсэн бололтой юм.
Цааш юу болох бол
Эцэст нь дүгнэхэд энэ үйл явдал ээж хүү хоёр гарч ирэхээс өмнө Хүрэлсүхийн засгийн газар байгуулагдахад л төлөвлөгдчихсөн байж. Тиймдээ мэргэжлийн бус золиосны засгийн газар тэрээр бүрдүүлсэн байж. Унана гэдгээ мэдэж байсан дараа нь яах уу гэдгээ бодчихсон байсан гэсэн үг. Ихэрийн ордны болоод ч тэр үү нөгөө нүүрээ ил гаргаагүй байсан гэсэн үг. Кк
Маргааш гоё юм болно. Хүрэлсүх өөрийн жинхэнэ халаасны хөзрөө дэлгэнэ. Хүрэлсүх өөрийн хүнээ ерөнхий сайд болгож чадвал хүмүүсийн хүсдэг мэргэжлийн засгийн газар байгуулагдана. Гэхдээ Мумми Миеэ амилсан гэдгийг мартаж болохгүй. Хүчээ нэгтгэе гэж Хүрэлсүх л орилсон болохоос Миеэ орилоогүй шүү.
За юутай ч Хүрэлсүх том бооцоо тавиад All in хийчихлээ. Аргагүй ч юм. Тэр одоо гэдэс нь ч цатгалан байгаа. Гэхдээ идэж ууж явахдаа энд тэнд өөртөө нүх ухчихсан байхвий. Зудтай жилийн нохой тарган гэж. Нохой идэж бараагүй ясаа хаа нэг нүх ухаад нуучихсан байдаг даа. Өлмөн зөлмөн ноход их бий шүү дээ.
Хол газар яваа хүн мориныхоо амыг татаж явахгүй богино зайд их хурдалвал морь цуцаж зорьсон газраа хүрч чадахгүй гэж Хүрэлсүх ядаж байхдаа их буруу буруу юм ярих юмаа.. Дайсантайгаа тулаанд орохоосоо өмнө надад хутга байна гээд хэлчихээр нөгөөх нь буутай ирээд буудчихдаг юм байгааз дээ.. буутай байна гээд хэлчихээр бөмбөг авч ирээд дэлбэлчихдэггүй юмуу.. Жэнко тийм амар буугаад өгчих хүн биш.
Зуусан хүнээ тавьдаггүй ч гэх юм билээ. Хүсвэл хүнийг өөрөө алдаатай үйлдэл хийтэл нь буланд шахаж, өчиж чаддаг хүн шиг байгаан. Бөх хүний мэх арга ухаан байдаг юмуу даа кк. Өвөл нь шоронд орох гэж байсан бол хавар нь ерөнхийлөгч болсон хүн шдэ. Тэрбумтан болчихоод хүний амьдралд нээг их юм хэрэггүй ш дээ гээд сууж байх ямар байдаг бол.. Монгол ялна. МОНГОЛ ЯГ ЯЛСАН УУ?
Ми Эбэ нарын нөхөд таг жиг.. ангид нэг чимээгүй байгаа үгүй нь мэдэгдэхгүй хүүхэд л даалгавраа хийчихсэн байдаг даа..
Юутай ч Жэнко ч тэр Хүүк ч тэр бүх зүйлээ тавиад 2021 оны сонгуульд орохоор болчихлоо. Энэ бол бидний энэ насандаа үзэх улс төрийн гоё тэмцэл.
Цааш нь ярих уу яах уу..
Ч.Сара
