Иодоор тавилгын зураас хэрхэн арилгах вэ
Орчин үед ихэнх хүмүүс гэр орон, албан тасалгаагаа тохижуулахдаа ая тухтай байдал, цэвэр цэмцгэр орчныг бүрдүүлэхэд чухалчилдаг болсон. Тавилгыг худалдан авч, эзэмшиж хэрэглэдэг хүмүүст зориулан, түүнийг хэрхэн арчлах талаар зөвлөгөө хүргэж байна.
Тавилга дээр тогтсон тоос шороог шууд нойтон, чийгтэй даавуугаар арчиж зүлгэх нь тийм ч үр дүнтэй цэвэрлэгээ биш. Учир нь нойтон даавуугаар арчсан тавилга өнгөө алдаж, удаан эдлэгдэхээргүй болдог.
Зураас арилгагч иод
Тавилга дээр зураас үүсэхэд амархан байдаг. Бага зэргийн зураасыг арилгах нь хялбар ажил бөгөөд ширхэг нарийнтай өнгөлөгчөөр үрэхэд л хангалттай. Харин гүн зураасыг арилгахын тулд нуух арга хэрэглэж болно. Ингэхдээ самраас гаргаж авсан, тусгай өтгөрүүлсэн тосоор зүлгэдэг.
Энэ үед ойр орчмын модонд аль болох хүрэхгүй байх хэрэгтэй. Харин дараагаар нь өнгө дагуу тосон харандаа эсвэл хүрэн гутлын тосоор нимгэн арчина. Хэрэв иод байгаа бол хэрэглэж болно. Яагаад гэвэл “иод” тавилгын өнгийг хамгийн сайн гаргадаг. Мөн улаан хүрэн өнгийн тавилга дээр гарсан зураасыг иодын сул уусмалд дүрсэн жижиг сойзоор сайтар үрж өгвөл мэдэгдэхгүй болдог. Харин мебель өнгөлөгч бодисыг зөөлөн ноосон даавуунд түрхээд арчвал зураас үүсэхгүй.
Будаг арилгах
Тавилгын гадаргуу дээр тогтсон будгийг арилгахад хэцүү байдаг. Тиймээс хүмүүс будаг шингэлэгч хэрэглэдэг. Гэвч тавилга дээр асгарсан будгийг “будаг шингэлэгч”-ээр цэвэрлэж болдоггүй. Түүнээс гадна бусад төрлийн хүчтэй химийн бодисоор арчиж болохгүй. Усан суурьтай будгийг чийгтэй алчуураар арчдаг. Ингэснийхээ дараа маш хурдан хуурай алчуураар арчих хэрэгтэй байдаг. Учир нь ус лакан бүрхэвчийг амархан гэмтээдэг. Харин тавилганы гадаргуунд тогтсон тосон суурьтай будгийг цэвэрлэхэд амаргүй.
Үүнийг цэвэрлэхдээ будаг арилгагч зориулалтын зөөлрүүлсэн вакс хэрэглэж болно. Мөн чийгтэй даавууг бэлтгээд, тосон суурьтай будгаа хөвөнгийн халаасан тосоор бүрж хэдэн минут байлгаж байгаад даавуугаараа арчиж авна. Энэ үйлдлийг будаг арилтал давтана. Хэрэв үлдсэн хэсэг нь арилахгүй бол маш нарийн ширхэгтэй өнгөлөгч нунтгаар үрнэ. Үүнээс гадна хуванцар зөөлөн үстэй сойз болон гарын хумсаараа үрж болно.