CV гэж юу вэ?

CV (Curriculum Vitae) гэдэг нь тухайн хүний боловсролын болон мэргэжлийн түүхийн тойм ба үүнийг ажлын байрны анкет бөглөхөд ашигладаг.
CV-г өөрийнхөө авьяас, ур чадвар, боловсрол ба туршлагаа ажил олгогчид борлуулах баталгаа гэж ойлгож болно. Уг маягт ажил хайгчийн талаарх үндсэн мэдээлэл, хувийн шинж чанаруудыг гаргаж ирэхэд чиглэгддэг ба зайлшгүй үнэн зөв байх шаардлагатай.
CV бичих “Ганц шилдэг арга, бүтэц” гэж байхгүй. Та CV-г өөрийн хүссэн бүтцэд оруулж бэлдэж болно.

Жишээ нь: CV бэлдэхэд хамгийн чухал зүйлсийг дурдвал:
- 45 хувь өмнөх ажлын туршлага (өмнө эрхэлж байсан ажлын туршлага хамгийн чухал хэсэг байдаг)
- 35 хувь мэргэжил, ур чадвар
- Уншихад хялбар байх нь 25 хувийг эзэлдэг (таны CV уншиж байгаа хүнд ойлгомжтой, товч, уншихад хялбар байх ёстойг санаарай)
- 16 хувь ололт, амжилт (таны бүтээсэн амжилт чухал ч нэн түрүүнд дурдагдах зүйл биш гэдгийг анхаарах хэрэгтэй)
- 14 хувь зөв бичгийн болон хэлзүйн дүрэм (таны CV хэлзүй болон зөв бичгийн дүрмийн хувьд алдаагүй, утга төгс байх ёстой. Энэ нь таны онолын мэдлэгийн түвшинг давхар агуулдаг юм)
- 9 хувь боловсролын байдал
- Хувийн онцлог шинж 9 хувь
- Зорилго 3 хувь (таны орохыг хүсэж буй ажлын байр)
- Түлхүүр үг ашиглах явдал 2 хувь (таны ашигласан үг харвасан сум шиг оновчтой байх ёстой учраас түлхүүр үг ашиглах нь чухал)
- 1 хувь холбоо барих утас,э-мэйл хаяг
- Хувийн туршлага 1 хувь
- Компьютерийн мэдлэг 1 хувь зэрэг орно

CV-ний эхэн хэсэгт ямар мэдээлэл оруулах вэ?

Хувийн мэдээлэл:
- Овог нэр:
- Төрсөн он сар:
- Гэрийн хаяг:
- Утас:
- Э-мэйл:

Боловсрол ба мэргэжил: таны боловсролын түвшин, төгссөн сургууль гэх мэт
Ажлын туршлага: өмнө нь эрхэлж байсан ажил, хуримтлуулсан бүх туршлагаа энд дурдана. Таны хийж байсан ажил болон олж авсан туршлага хоорондоо зохицох ёстой гэдгийг анхаарах хэрэгтэй.
Таны сонирхол ба зорилго: энэ хэсэг маш товч, оновчтой байх ёстой. Нэгэн хэвийн, уйтгартай зүйл бичхээс зайлсхий. Жишээ нь, ном унших, зурагт үзэх, сагсан бөмбөг тоглох зэрэг зүйлс оруулах хэрэггүй. Таны сонирхол зорилго таны хүсч буй ажлын байртай уялдах хэрэгтэйг мартаж болохгүй.
Чадвар: Хэлний мэдлэг, комьютерийн мэдлэг гэх мэт

CV бэлдэхдээ гаргадаг нийтлэг алдаануудыг ажил олгогчдын зүгээс мөн дараах байдлаар тодорхойлжээ:
- Зөв бичгийн дүрэм ба хэлзүйн дүрмийн алдаа 56 хувь
- Тухайн ажлын байрын шаардлага хангаагүй явдал 21 хувь
- Хэт нуршуу эсвэл хангалтгүй ажлын түүх
- Тохиромжгүй бичгийн хэлбэр, түлхүүр үг ороогүй 11 хувь
- Ололт амжилтаа тусгаагүй 9 хувь
- Эргээд холбоо тогтоох асуудал 8 хувь
- Тодорхойгүй зорилго 5 хувь
- Худлаа мэдээлэл 2 хувь
-Зураг хавсаргах явдал 5 хувь (CV-нд ихэнх тохиодолд зураг хавсаргадаггүй)

CV ямар хэмжээтэй байх вэ?

Албан ёсны хэмжээ байдаггүй ч ерөнхийдөө шинээр төгсөгчдийн хувьд А4 хэмжээтэй 2 нүүрээс хэтрээгүй байх, харин академик түвшинд 4-5 нүүр байх боломжтой.