Тус баг нь мэргэжилтнүүдийн бүрэлдэхүүн хэсэг хиймэл дагуул үйлдвэрлэгч ISOCOM-той хамтран дэлхийн тойрог замд гарах өгөгдлийг одоогийн боломжит хэмжээнээс 100 дахин хурдан дамжуулах ‘CubeSats’ нэртэй жижиг хиймэл дагуулуудыг бүтээхээр болжээ. Тэдний зорилго бол харилцаа холбооны үйлчилгээ үзүүлэгчид, мөн SpaceX, Facebook, Google зэрэг дэлхийн компаниудад зориулагдсан өндөр хурдны хиймэл дагуул бүтээх явдал юм.

CubeSats-д зориулсан лазерын төсөл нь 2030 он гэхэд дэлхийн сансрын зах зээл дээрх Их Британийн эзлэх хувийг 10 хувиар нэмэгдүүлэхэд томоохон нөлөө үзүүлэх юм байна.

Төслийг Нортумбриагийн Их сургуулийн Математик, Физик, Цахилгааны инженерийн тэнхимийн нарны физикч Доктор Эамон Скаллион удирдаж байна.

CubeSats нь чөлөөт орон зайн оптик холбооны технологи (FSO) ашиглан өгөгдлийг секундэд нэг гигабит хурдтай (1 gbps) дамжуулах чадвартай аж. FSO технологи нь өгөгдлийг дамжуулахад гэрлийг ашигладаг бөгөөд CubeSats-ийн мэдээлэл дамжуулах хурд одоогийн ашиглаж буй технологиос дор хаяж 100 дахин хурдан байх аж.

Их Британийн шинжлэх ухааны сайд Аманда Соллоуэй энэ талаар “Бид Их Британи улсыг сансрын технологоор дэлхийд тэргүүлэх орон болгохыг хүсэж байгаа тул хамгийн том сорилтуудыг шийдвэрлэхэд туслах анхны технологийг боловсруулж буй шинийг санаачлагчдыг дэмжиж эхэллээ. Нүүрстөрөгчийн ялгаруулалтыг бууруулахаас эхлээд Их Британийн бизнес эрхлэгч нар тодорхой хэмжээний хөрөнгө оруулалтыг технологын салбарт хийж, хувьсгал авч ирэх санааг дэмжин дэлхийн жишигт нийцсэн бүтээгдэхүүн боловсруулан үйлчилгээнд шилжүүлэхийн зэрэгцээ Их Британийн эдийн засгийг нэмэгдүүлэхэд туслах болно. ” гэж мэдэгджээ.

Эх сурвалж: innovationnewsnetwork.com