Үе тэнгийн та хэддээ анхааруулахгүй бол болохгүй нь ээ!
Өнөөдөр амралтын өглөө салхилан зайсан толгойруу гэр бүлээрээ очлоо. Бүгд дээшээ алхаж гараад наана цаадахыг харан тэвэрч очсон охиноо буулгаад алхаж байлаа. Өчигдөр орсон борооны ус бага зэрэг тогтжээ. Охин түүн дээр гишгэж үзээд нааш цааш алхав. Хажуугаар зураг, марк зардаг хүмүүс юмаа дэлгэж, бүргэд байх аа том шувууг уяанаас нь барьсан хүн зэрэг цөөн боловч хэд хэдэн хүмүүс байлаа. Охин гишгэж үзсэн усандаа гараа дүрхээр тонгойхоор нь би баба гээд очихтой зэрэгцэн нөгөө айхтар том шувуу гэнэт охины минь нуруунаас шүүрээд би наанаас нь татаад орилоод дийлэхгүй. Аав нь цаанаас гүйж ирж цамцыг нь урж татаж салгаж авлаа ш дээ.
Эзэн болох хүн нь ардаас нь тэр урт уяа далавчнаас нь татаад дийлэхгүй байсан гэсэн. Би охиноо л хараад орилоод татаад байсан. Хошуугаараа тонших гээд байгаа ч юм шиг үнэхээр аймар....
Тэр хумс сарвуу энэ тэрийг нь ярих юм биш иртэй хутга шиг тэгээд атгачихсан юм шиг салахгүй....
Юу анхааруулах гэсэн бэ гэвэл?
Хоттой ойрхон агаарлахаар явдаг хэд хэдэн газар том шувуу харагддаг. Тийм газраар явахдаа амьтнаас сайн холдох хүртлээ хүүхдээ буулгалгүй тэвэрч явах, бас нүд болон сарвуудаа хамгаалалт, гинж зүүсэн үгүйг анхаарах /гинж уяагүй л бол хаанаас ч шүүрээд авах биз/ Ер нь тэгээд анхаарал хаана ч илүүдэхгүй юм даа‼️ Яаж нүүр амнаас нь базчаагүй юм гээд арай тайвшраад бурханд баярлаад сууж байна.